Joob.az Ümumi Şərtlər

Bu bölmə Joob.az-ın ümumi qaydalarını və hüquqi məsuliyyətlərini özündə əks etdirir. Zəhmət olmasa saytımızdan istifadə etməzdən əvvəl aşağıdakıları diqqətlə oxuyun. Əgər siz aşağıda qeyd olunan şərtləri qismən və / və ya tam qəbul etmirsinizsə, Joob.az-dan heç bir məqsəd üçün istifadə etməyin.

Joob.az-ın öhdəlikləri

• Joob.az saytdakı şirkətin məzmununa və namizəd məlumatlarına görə heç bir şəkildə cavabdeh deyil və məsuliyyət daşımır.
• Saytda CV-si olan istifadəçi öz CV-sindəki məlumatlara görə məsuliyyət daşıyan tək şəxsdir.
• Joob.az işəgötürən deyil. İşəgötürən şirkətlə əlaqə saxlayan namizəd bütün məsuliyyəti öz üzərinə götürür. Bu prosesdə Joob.az heç bir məsuliyyət daşımır.
• Joob.az elanlara daxil olan müraciətlərin sayına görə cavabdeh deyil və işçi tapılmasına zəmanət vermir.
• Joob.az saytın proqram təminatında hər hansı xətaların olmamasına və saytda virusların olub-olmamasına görə heç bir məsuliyyət daşımır. Bu saytdakı hər hansı proqram təminatı səbəbindən istifadə etdiyiniz proqram təminatı və/yaxud aparata hər hansı ziyan dəyərsə şirkət bununla bağlı məsuliyyət daşımayacaq.
• Joob.az öz marketinq fəaliyyətləri üçün vakansiya və CV-lər ilə bağlı bütün məlumatlardan istifadə etmək hüququna malikdir.

Vakansiya yerləşdirmək üçün qaydalar

• Vakansiyaların saytda yayımlanma müddəti 30 gündür.
• Vakansiyanın adı ilə kateqoriyası uyğunluq təşkil etməlidir. Əgər bu məlumat səhv daxil olunubsa, sayt bu məlumatı düzəltməyi öz öhdəsinə götürür.
• Bir vakansiya başlığında yalnız bir vəzifə adı qeyd oluna bilər.
• İş elanları və namizədə tələblər xanaları vakansiyanı ətraflı izah edəcək şəkildə aydın qeyd olunmalıdır.
• Leksik, qrammatik və orfoqrafik normalara uyğun olmayan mətni redaktə etməyi sayt öz öhdəsinə götürür.
• Natamam və ya normalara uyğun olmayan məlumatlar qəbul olunmur və ya yenidən düzəliş etmək üçün geri göndərilir.
• Əmək haqqı məbləği yalnız AZN ilə göstərilməlidir. Əgər əmək haqqı sütunu boş saxlanılırsa, saytda “Ə/h razılaşma yolu ilə” olduğu göstərilir.
• Əmək haqqı məbləği həqiqətə uyğun olmalıdır. Reallığı əks etdirməyən maaş məbləği və geniş interval düzəliş üçün geri göndərilir.
• Dərc olunmuş vakansiyanın adının dəyişdirilməsi qadağandır.
• Dərc olunmuş vakansiyanın redaktəsi zamanı İş haqqında məlumat və ya Namizədə tələblər bölməsinin mövcud olana nəzərən bütünlüklə dəyişdirilməsi / yeni məlumat ilə əvəz olunması qadağandır.
• Tibbi, kosmetik, zinyət əşyaları məhsulların online satışı, kütləvi şəkildə işə qəbul, vakansiya üçün şəxsdən ödəniş tələbi və s. növdə vakansiyaların yayımı qəbul olunmur. Habelə dərman preparatlarının satışı, kriptovalyuta alqı-satqısı və s. ilə bağlı vakansiyalar vebsayt tərəfindən imtina edilə bilər. Bu hallarda ödəniş geri köçürülür.
• Şəbəkə üsulu marketinq növündə olan vakansiyalar qəbul olunmur.
• Şübhəli fəaliyyət növü olan və ya fəaliyyət istiqaməti bəlli olmayan və ölkə daxilində olmayan vakansiyalar qəbul olunmur.
• Şirkət haqqında yetəri qədər informasiya tapılmadıqda vebsayt tərəfindən vakansiyanın yerləşdirilməsinə imtina edilə bilər. Bu halda ödənilən məbləğ elan yükləyən şəxsin kart hesabına geri yüklənir.
• Ödənişsiz "Təcrübə proqramı" paketi ilə yerləşdirilən elanlarda təcrübə proqram haqqında ətraflı məlumat qeyd edilməlidir.
• Elanlar vebsaytda əlavə olunduqdan sonra təsdiqlənmə müddəti yerləşdirən şirkət və elanın məzmununa əsasən 1-2 iş günü təşkil edir.
• Joob.az-da yayımlanan elanlar digər tərəfdaş saytlarında da paylaşıla bilər.

CV yerləşdirmək üçün qaydalar

• CV-nin saytda yerləşdirilməsi ödənişsizdir.
• CV saytda siz onu deaktiv edənə qədər yayımlanacaqdır.
• Vəzifə bölməsində yalnız bir vəzifənin adı qeyd oluna bilər. Bir neçə vəzifə qeyd olunan CV-lər qəbul olunmur və redaktə edilmək üçün geri göndərilir.
• CV-ə əlavə olunmuş şəkil, ümumi işləklik CV normalarına uyğun olmalıdır. Əks təqdirdə CV şəkilsiz əlavə olunacaqdır.
• Vəzifənin adı ilə kateqoriya uyğunluq təşkil etməlidir. Əgər bu məlumat səhv daxil olunubsa, sayt bu məlumatı düzəltməyi öz öhdəsinə götürür.
• Təhsil haqqında xanasında namizədin bitirdiyi təhsil müəssisəsinin adı, ixtisası və təhsil aldığı tarix aralığı qeyd olunmalıdır.
• İş keçmişi xanasında namizədin iş yeri, vəzifəsi və işlədiyi müddət aralıqları qeyd olunmalıdır.
• Bacarıq və sertifikatlar xanasında namizədin ümumi bacarıqları, qatıldığı layihələrdən əldə etdiyi sertifikatlar və s. qeyd olunmalıdır.
• Biliklər xanasında namizədin peşəkar bilikləri, dil bilikləri, kompüter proqramları və s. qeyd olunmalıdır.
• Leksik, qrammatik və orfoqrafik normalara uyğun olmayan mətni redaktə etməyi sayt öz öhdəsinə götürür.
• Natamam və ya normalara uyğun olmayan məlumatlar qəbul olunmur və ya yenidən düzəliş etmək üçün geri göndərilir.
• Əmək haqqı məbləği yalnız AZN ilə göstərilməlidir. Əgər əmək haqqı sütunu boş saxlanılırsa, saytda “Ə/h razılaşma yolu ilə” olduğu göstərilir.
• Dərc olunmuş vakansiyanın adının dəyişdirilməsi qadağandır.
• Şübhəli fəaliyyət növü olan və ya fəaliyyət istiqaməti bəlli olmayan CV-lər qəbul olunmur.
• Sizə daxil olan müraciətlərə, telefon zənglərinə görə (nömrə yerləşdirmək vacib deyil) sayt məsuliyyət daşımır.

Kommunikasiya

1. Vebsayt administrasiyasının qeydiyyatdan keçmiş istifadəçilərə SMS, elektron poçt göndərmək və zəng etmək hüququ vardır.